زند ھما بکشوکیں ســراں براتــاں
جـــل ھمــا ماتــانی دل ء باتيـــــــں
دســت جنــاں بچانــــی وتی بــــــڈا
گونــدوی سوگند ء ديــاں گرانيــــں
رستگيــں ٹاپاں ء گلــــے چـــاـراں
سبزوگ ء نوک گرکیں بروتانـــــــا
رپتــگے شـــالا شـــانء ملاتــــــے
بچ شهیـــدی ء جام ء نوشاتـــــــــے
من تـــئی مـــاتء مـــادراں ھکیـــں
تـــو مـــزارانـــی پشپـــدے گرکیـــں
ننـــد تئـــی دستـــان ءَ کنـــاں هنـــی
تئ سرامن بنـــداں پاگء مشهــــــدی
چاکـــوء ھمبیـــلء تئـــی لانــــــکءَ
توپکـــےآسگواریں دیاں دســــــت ءَ
سمبئینـــاں ترا کوش دیـــاں پــــــاد ء
من تئی چماناں کنـــاں سرمـــــــــگ
تئی کوپـــکاں دزمال ء ھلی بنــــــداں
تئی سرا من بگڈا ء گوبیت ریچــــــاں
په میتـــگ ء چوری ء کسانینـــــــــاں
تو بـــزاں بچی بیتگے سالونـــــــــک
سور کتگ گوں راج ء واھگ و لوٹاں
بیتگـــــے سالونــک په وتـــن ننگیـــں
گوں آجـــوئی پکرءَ تو کتـــگ آروس
کمبــــــر ءِ نوک کـــن تو پـــدا نـــام ء
داد شــــــاه ء کســــــه ء کوانیـــــــــں
کوه بیبـــاں دلذوریـــں تئ واب جـــاه
سنگ بیباں سرجاه ء تئ گندل بوپیـــں
ننگ ءُ لجانـــی تو بیبـــے دیمــــــزور

وپسگ پوپـــانی سرے وشیــــــــــــں
وپت واب گوں ھاتونیں جن وجـــوداں
نندگ و ٹوھیں گپ جنـــگ مپتیــــــں
پاچک ء تومانی ورگ ھوشگیـــــــــں
سیل کنگ بیگاھاں کـــل ء دمکانــــــی
بیڈی ءُسگریٹ ءُ چلیـــم ء کشــــــگ
چـــرس ءُ باپـــور ھو ورگ بنـــــگے
ســـوبت ء کستی ء جننگ چریــــــت ء
ننـــدگ ھشکیں لیـــب ء پیتـــــــــاری
ھوٹــــــلاں ننــــــدگ ء ورگ چـــاۓ
منـــدر ء بـــیلء دروگ ءُ پیــــــتاری
بـــراه دیـــنت لونڈوء پناه گیـــــــــراں
بےنپء بے سوبیـــں ٓالیماں کــــــارے
نشتـــگ ء ٓازات ء درائیں پکــــــــراں
ملک منیگ انت، گپتک ات دســـــت ء
بستگـــے په وت ششگ ء مــــــــــاڈی
شھر،کنـــدیل ء دگوڈگ پرائیـــــــــــں
ما بلے چنـــڈے نانـــے ء مھــــــــتاج
چو چورو ء گردیں پیروکـــی ڈیـــــهء
چو تولگ ء دوزیــــں ما وتی تـــیاب ء

آکری جنگیــــں آکــــری وھدیــــــــــں
آکـــــری جنگیں تئ گار مابیت پجــــار
آکری جنگیں گوں دژمـــــناں ڈیـــــــه ء
آکری جنگیں گوں ملـــک ء دپ چــٹ ء
ٓاپرین باتیں مئے اکبـــــر ء پیریـــــــــں
ھاجزیـــــں کوھانی تها گـــــــــــــردی
آو بلوچی ء وارتگـــــے سوگنــــــــــــد
گریتگ ءتیھار دنت پچار ماتـــــــــــــاں
چار مری یانی سولوکیں بچـــــــــــــــاں
مینـــــگل ء زھریـــــاں مڈوکیـــنـــــــاں
بارگیں لٓهڑی یاں مـــــزار بیھمیـــــــــں
لانگـــــواں بـــــولائ جنوکینـــــــــــــاں
ڈومکی ، کرد ء کوســـــواں مردیـــــــں
نودزی، ساسولـــــی، لگاریـــــــــــــــاں
لنـــــڈ ء تالپور ء پـــــوژ ء گورگیجـــاں
رند ءُ لاشـــــار ءُ ھاکمیـــــں ھوتــــــاں
لاسی ءجـــــت ء میریـــــں سیاپــــــاداں
بنڈ ء کھودائ، زگـــــر ء جدگــــــــــالاں
شور کتـــــگ یکجـــــا ء زبان داتــــــگ
په وتـــــن میرانـــــی ســـــرا بکشیـــــں
نوک کنیـــــں تاریـــــک ء بلوچانــــــــی
ما وتـــــی بندیگیـــــں ســـــرا موکیــــــں
ایرکنیـــــں نام ءَ په پــــــــــدی مـــــرداں
نندگ و دارگ نـــــوں دلءءِ بسیــــــــــں
بسیـــــں نوں پریات ء منـــــــت و زاری
کس نــــه داں مپت ءَ پنجــــوئ کاھــــے
بندگ ء دست ء پسکـــــگ ء ھــــر روچ
اوشتـــگ ھو سر راهی ســــرے جـاگ ء
منڈی منـــــڈی ء چـــــارگ ء پــــــــوج ء
زوت اگاں آجويـــــی کنیـــــــں ڈیـــــــه ء
ذیر وتی دست ء توپــــــگ ء درکـــــپ
گریشـــــگ ء تر و در بے کپ کوھــــاں
سر بےکپ جمپانــــــی ســـــرا ساھیـــں
اھد بے کن، سوگنــــد ء بـــــــور نوکیــں
تـــــو ھسارانـــــی برزیـــــــں واھنــــد ء
میـــــــری ء کھنیـــــــں کلات تئ گیــــں
شاه جــــو ء مولائــــــــی تچوکیـــــں آپ

غـلام حسیــن شوھــاز
 

باسکانی ديوان ءِ مـِنــّـت ءَ